Bestow (已結業)

三款蛋糕入邊最鍾意提子焙茶蛋糕，首先蛋糕好有層次，第一層係加咗提子嘅啫喱，之後就有焙茶忌廉同埋蛋糕，焙茶同提子，估唔到咁夾，焙茶帶出咗提子嘅甜味，但係又令成個蛋糕好清爽，唔會有漏嘅感覺。開心果拿破崙嘅開心果醬好濃郁，但係我自己就唔係咁鍾意食拿破崙，覺得好似食緊餅乾咁，而且會食都好麻煩，但係覺得如果餐廳將佢嘅開心果醬加落蛋糕度一定好好食。最後一個焙茶麻糬巴斯克蛋糕就相對上普通，係你可以想像到嘅味道。