芝加哥串燒酒場

同事想去蘭桂坊感受一下酒吧氣氛，所以今日同佢出老蘭食個Dinner。如果你以為係蘭桂坊只可以貴一貴咁飲酒食下下酒菜，咁就錯喇！呢個「芝加哥串燒酒場」就係蘭桂坊酒吧街上，就係最旺果度，但食物同酒水都唔貴，真係同出面食飯飲野差唔多價錢，如果你想飲野同時食返個飯，呢度就好適合。今晚黎到主要叫燒烤為主，都叫左好多款下，即叫即整，質素唔會差得去邊。特別係明太子玉子燒，招牌茄子燒，牛油果豚肉燒，牛油帶子同燒土匪雞翼呢幾款值得一試。最特別係個燒茄子，好大一條，特別調料唔辣，好惹味。D烤肉串配酒一流，而且款式比一款酒吧多。