影片
更多
2024-05-18
37 浏览
喺眾多食肆同酒吧嘅蘭桂坊入邊，竟然有一間好抵食而食物亦都相當有心機並以串燒做主打酒吧。呢一間芝加哥燒肉酒場餐廳環境好寬敞，除咗室內座位，亦都有室外座位比客人食嘢。今次我哋就坐喺室內，室內座位配有梳化凳，所以坐得舒服。今次我哋就嗌咗一大堆串燒，整體上好滿意。先講以牛為主嘅串燒，其中一口和牛串最為出色，性價比非常高，每一啖都有肉汁爆出嚟，同時亦都食到和牛嘅牛味。海鮮方面，我哋亦都有嗌到燒生蠔、蝦、同埋扇貝。其中燒虎蝦我最為驚艷，食得出佢係新鮮，而肉質亦都保持彈牙同有水份，加上大大隻，放入口好滿足。另外最推介嘅亦都有燒白鱔，呢一樣真係好好食，白鱔嘅魚皮燒得極脆，好香口，而魚肉仍然保持肥美有彈性，燒完亦都保留到好香嘅魚油香味，好正。而我哋都有嗌到人氣之選嘅串燒乳豬，好特別竟然喺串燒店見到呢一樣嘢。乳豬外皮燒得好香脆，而肉質一啲都唔柴同鞋口，加上夾有一層脂肪，食落去好肥美配埋啤酒真係一流。而飲品方面，我哋就嗌咗Chicago logo bear，係佢哋餐廳自家製嘅。呢一款啤酒上面有1塊菠蘿果乾，飲落去嘅時候有淡淡嘅菠蘿香氣，同埋呢一款係甜甜地嘅好啱女仔飲。整體嚟講，一間餐廳嘅串燒種類真係好多，總
呢一間芝加哥燒肉酒場餐廳環境好寬敞，除咗室內座位，亦都有室外座位比客人食嘢。今次我哋就坐喺室內，室內座位配有梳化凳，所以坐得舒服。
今次我哋就嗌咗一大堆串燒，整體上好滿意。
先講以牛為主嘅串燒，其中一口和牛串最為出色，性價比非常高，每一啖都有肉汁爆出嚟，同時亦都食到和牛嘅牛味。
海鮮方面，我哋亦都有嗌到燒生蠔、蝦、同埋扇貝。其中燒虎蝦我最為驚艷，食得出佢係新鮮，而肉質亦都保持彈牙同有水份，加上大大隻，放入口好滿足。
另外最推介嘅亦都有燒白鱔，呢一樣真係好好食，白鱔嘅魚皮燒得極脆，好香口，而魚肉仍然保持肥美有彈性，燒完亦都保留到好香嘅魚油香味，好正。
而我哋都有嗌到人氣之選嘅串燒乳豬，好特別竟然喺串燒店見到呢一樣嘢。乳豬外皮燒得好香脆，而肉質一啲都唔柴同鞋口，加上夾有一層脂肪，食落去好肥美配埋啤酒真係一流。
而飲品方面，我哋就嗌咗Chicago logo bear，係佢哋餐廳自家製嘅。呢一款啤酒上面有1塊菠蘿果乾，飲落去嘅時候有淡淡嘅菠蘿香氣，同埋呢一款係甜甜地嘅好啱女仔飲。
整體嚟講，一間餐廳嘅串燒種類真係好多，總有一款係會啱你食。同埋價格亦都相當之合理，加埋食物質素可以話係性價比高。
张贴
