美食集中地嘅葵廣，黎到嘅目的就係要搵好野食！而且係要旋風式咁吸食！行過見到呢間人龍好長嘅一間小店，原來有最近人氣嘅捲捲麵食！價錢OK都多選擇，唔怪知咁多人排隊
1
明太子海老大滿異捲捲麵 $88
佢地其實有幾個醬汁，不過太多人食所以有幾個醬已經賣晒。不過明太子一樣好食，佢地做到個醬好濃杰，而且捲捲麵好吸汁同掛汁，所以好好食。捲捲麵好粗身口感彈，同一個碗仲放左蜆,鮑魚,大蝦,帶子片,蟹肉,青口,櫻花蝦，呢個大滿貫嘅份量簡直無得輸！
黑松露忌廉煮卜卜蜆 $68
份量勁多，蜆每隻都開口嘅肉都厚身。個黑松露味幾香好濃都幾突出。幾鍾意佢地加埋D炸蒜上去，個味再多D層次。
鹽酥雞 $35
炸得夠脆，另外有個蛋黃醬沾住食幾好
原隻軟殼蟹廣島蠔配明太子沙律醬 $48
軟殼蟹好食有鮮味，外脆內脆炸得好好。有兩隻廣島蠔，個炸皮唔厚，蠔味好香
