金不換泰國餐廳

营业中

休息中

今日同朋友一齊係尖沙咀行街，晚餐既時候黎到金不換食泰菜。整個裝潢都頗有格調，而菜色定價都係走中價路線。柚子沙律，成碟都係滿滿既柚子肉，而且味道帶甜，可惜沙律汁味道太過奇怪，破壞哂整個沙律。蝦膏炒飯，面頭上既雞蛋已經炒得過老，完全唔滑，而且成個飯無乜蝦膏既香味，同普通炒飯無乜分別，平平無奇，唔值！炒金邊粉，overcook左，本身金邊粉已經係幼身，炒得太耐變淋哂，食落口無哂口感。反而黃咖哩(牛)就整得唔錯！咖哩汁整得辣辣地，有濃郁既咖哩香味，而且牛煮得啱啱好，唔會好會韌，送飯or蒜蓉包都一流喔!!食泰國菜唔少得個冬蔭公湯，本身我都算幾食得辣(平時米線食小辣至中辣都無問題lol)但呢個真係太辣喇。同枱唔太食辣既朋友直頭成碗放棄左。