大尚宮

营业中

休息中

今日同朋友仔去荔枝角行街街，行到餓餓地就去food court度搵下野食，發現呢間大份又抵食既韓國菜，埋單好似先200幾，食到超級飽😙❀熔岩泡菜炒飯❀好多紫菜+泡菜，如果芝士再多少少，相信拉芝效果更出，不過68蚊黎講算係唔錯，個飯份量幾多，建議2個人share。❀部隊鍋❀大大份先88蚊，用料豐富，有豆腐、豬肉塊、金針菇、午餐肉、腸仔、冬菇、泡菜同埋公仔麵，好香辣食到好過癮，公仔麵仲要好吸汁，邪惡到爆😣❀滋味炸雞半份❀呢度炸雞唔係炸雞塊，而係一舊舊雞件連骨咁炸，面頭銷滿大量紫菜+灑上芝麻，炸雞香脆可口又juicy 😋❀飲品❀加5蚊就有一枝，食到飽飽地飲下茶消滯。