影片
更多
2023-09-08
42 浏览
今日男友放假，我地特別揀左呢間位於荔枝角工廈的西餐食午餐，因為近工作地點，而且裝潢浪漫溫馨，帶點宮殿優雅感覺。日間有透光感，花草裝飾好靚好岩打卡影相，晚上更加浪漫有情調。lunch set 有10款選擇，價錢$108-178，有沙律、意大利飯、漢堡、意粉、豬、牛、羊……都有，跟餐有餐湯及飲品，都好豐富吸引。栗米湯口感creamy細緻，帶點香味，入口溫暖順喉，味道不太咸，飲完更開胃。我地揀左意粉同豬肉眼扒，賣相美觀，份量十足。香煎北海道帶子墨汁扁意粉 $128兩粒帶子都厚身大件，微微煎香，肉質好嫩滑，墨汁好鮮味，帶點蒜香好惹味，意粉煮得剛好，保持彈牙口感。雖然食到個咀黑哂，但真係好味，停唔到口。燒美國豬眼扒伴蘋果果醬 $138熱辣辣好香好吸引，切開豬肉眼扒，已經感覺好嫩好易切，入口好多肉汁，估唔到咁好味，而且不多調味，更特顯豬肉味道，配清甜蘋果醬，更帶出豬肉味道。要襯熱食，先入口又熱又嫩彈多汁，凍左會感覺無咁多肉汁，仍有嫩彈口感。Melon Kakigori $108最後點左個好岩熱天的雪花冰，有3款口味，我地揀左配搭兩款蜜瓜的款式，超級靚，見到咁多生果好開心好想食。可以自己加煉奶控制甜
今日男友放假，我地特別揀左呢間位於荔枝角工廈的西餐食午餐，因為近工作地點，而且裝潢浪漫溫馨，帶點宮殿優雅感覺。
日間有透光感，花草裝飾好靚好岩打卡影相，晚上更加浪漫有情調。
lunch set 有10款選擇，價錢$108-178，有沙律、意大利飯、漢堡、意粉、豬、牛、羊……都有，跟餐有餐湯及飲品，都好豐富吸引。
栗米湯口感creamy細緻，帶點香味，入口溫暖順喉，味道不太咸，飲完更開胃。
我地揀左意粉同豬肉眼扒，賣相美觀，份量十足。
7 浏览
0 赞好
0 留言
11 浏览
0 赞好
0 留言
香煎北海道帶子墨汁扁意粉 $128
兩粒帶子都厚身大件，微微煎香，肉質好嫩滑，墨汁好鮮味，帶點蒜香好惹味，意粉煮得剛好，保持彈牙口感。雖然食到個咀黑哂，但真係好味，停唔到口。
3 浏览
0 赞好
0 留言
燒美國豬眼扒伴蘋果果醬 $138
熱辣辣好香好吸引，切開豬肉眼扒，已經感覺好嫩好易切，入口好多肉汁，估唔到咁好味，而且不多調味，更特顯豬肉味道，配清甜蘋果醬，更帶出豬肉味道。
要襯熱食，先入口又熱又嫩彈多汁，凍左會感覺無咁多肉汁，仍有嫩彈口感。
2 浏览
0 赞好
0 留言
Melon Kakigori $108
最後點左個好岩熱天的雪花冰，有3款口味，我地揀左配搭兩款蜜瓜的款式，超級靚，見到咁多生果好開心好想食。
可以自己加煉奶控制甜度，雪花冰好輕盈，睇落好綿密，入口即化，又冰涼又清爽不膩，味道係牛奶味，配清甜蜜瓜同爽脆哈蜜瓜，好滿足好好味。
张贴
