泰玖 (已結業)

我今日去荃灣辦事，順道約同好友去位於荃灣曹公坊5號地舖的泰玖食午餐，環境舒適，裝修好有懷舊的味道，坐得舒服。我點左個無骨海南雞配油飯套餐$59，追加泰式炸蝦餅+$12，餐飲係（自家製）龍眼冰+$5；好友點左個泰玖招牌海鮮炒金邊粉套餐$68，追加芒果糯米飯+$18，餐飲係（自家製）泰式奶茶+$8。海南雞的雞肉鮮嫩好味，配油飯最合拍；海鮮炒金邊粉賣相不錯，好味道又不辣；蝦餅炸得香脆好味；芒果糯米飯好食；兩款凍飲都好味！