更多
2025-05-31
286 浏览
去到荃灣街市街,見到劉興記門口已經排晒長龍,唔怪得之咁多網民推介啦😆等咗成半個鐘,終於入到去試吓佢哋傳說中「無爆汁包免費換」嘅生煎包,真係好期待呀🤩✨招牌生煎包(4隻)$35一上枱已經聞到香噴噴,底部煎到金黃脆卜卜,咬落去真係勁爆汁,肉餡鮮甜唔鞋口,湯汁多到要小心唔好滴出嚟😋每隻都好有手掌咁大,性價比超高,難怪日日都咁多人排隊等食🤤✨蟹黃生煎包(2隻)$38蟹黃生煎包一咬開已經見到橙黃色蟹油流晒出嚟,蟹肉同豬肉餡融合得好好,鮮味十足,蟹黃香濃又唔會太膩,食完仲想encore多一籠🦀✨麻醬青瓜雞絲粉皮 $45粉皮夠滑,麻醬香濃唔會死咸,雞絲嫩滑,青瓜爽口,三重口感層次分明,夏天食最啱清新又開胃🥒✨雞絲酸辣湯(細)$36湯底酸辣度啱啱好,雞絲份量足,飲落暖笠笠又唔會太heavy,配生煎包一齊食一流🍲
去到荃灣街市街,見到劉興記門口已經排晒長龍,唔怪得之咁多網民推介啦😆等咗成半個鐘,終於入到去試吓佢哋傳說中「無爆汁包免費換」嘅生煎包,真係好期待呀🤩
✨招牌生煎包(4隻)$35
一上枱已經聞到香噴噴,底部煎到金黃脆卜卜,咬落去真係勁爆汁,肉餡鮮甜唔鞋口,湯汁多到要小心唔好滴出嚟😋每隻都好有手掌咁大,性價比超高,難怪日日都咁多人排隊等食🤤
✨蟹黃生煎包(2隻)$38
蟹黃生煎包一咬開已經見到橙黃色蟹油流晒出嚟,蟹肉同豬肉餡融合得好好,鮮味十足,蟹黃香濃又唔會太膩,食完仲想encore多一籠🦀
✨麻醬青瓜雞絲粉皮 $45
粉皮夠滑,麻醬香濃唔會死咸,雞絲嫩滑,青瓜爽口,三重口感層次分明,夏天食最啱清新又開胃🥒
✨雞絲酸辣湯(細)$36
湯底酸辣度啱啱好,雞絲份量足,飲落暖笠笠又唔會太heavy,配生煎包一齊食一流🍲
张贴