子鴨留香

营业中

休息中

荃灣荃新天地有新嘅中餐廳進駐！淨係睇個名已經知道主打菜式就係烤鴨😍梗係即刻要試下先～京川滬菜都有，菜式選擇好多啊！餐廳裝修設計雅致，好闊落而且有空間感，最適合家庭聚會。而且店員服務態度好好，認真介紹菜式，又主動添茶同埋換碟，令人賓至如歸。川味蒜泥白肉蒜味濃郁，腩肉肥瘦比例適中，酸酸辣辣咁樣好開胃，底下仲配有粉皮添。話梅醉乳鴿原隻乳鴿切件上，酒味香濃，乳鴿肉質鮮嫩。招牌生煎包果然係必食之選❤️外皮帶有一啲香脆，入面嘅包沾上肉汁，趁熱食好正！留香烤鴨擺盤精緻，烤鴨底下會有個熱爐幫佢keep住溫度，唔怕好快凍晒，呢個設計真係好貼心。烤鴨皮脆肉嫩，食落好香口又唔會油膩，仲配有多款配料，包括青瓜、蔥絲、烤鴨醬、山楂條、牛油果醬，口味配搭非常之特別。金沙大蝦 🍤一共有四隻，每一隻都好大隻，啱啱炸起好香脆！外面沾滿大量鹹蛋黃，蝦肉爽口彈牙，真係超級邪惡啊～香蕉高力豆沙飯後甜品再食返個高力豆沙，脹卜卜咬落好似疏乎厘軟淋淋嘅口感，入面仲有滿滿嘅豆沙同埋香蕉，唔會過於甜膩，簡直大滿足呀！