影片
更多
2022-12-12
291 浏览
天寒地凍最啱打邊爐最近發現左呢間火鍋做緊優惠鴨血任添吸引到我即刻去睇下咩料。發現佢地如果18:00埋單仲有85折，如果21:30之後入座就8折，超抵！入座之後首先選返湯底啦，呢度湯底款式好多，今次我就選左可以任添鴨血既台式麻辣鴨血湯底同埋花膠燉雞湯底拼既鴛鴦鍋。講下啲湯底啦，麻辣鴨血湯底啲鴨血味道唔錯，所以任添真係大飽口福，辣度就唔太辣可以再辣啲，缺點就係湯底唔係好夠味，略為遜色；至於花膠湯底就超正！店員會建議你先飲湯之後先開始打邊爐，啲湯真係好夠味好濃郁，花膠燜到好夠軟好有嚼勁，雞切左粒食落好爽口，仲有鮑魚同鮑片，呢個湯底我覺得滿分！至於打邊爐既嘢食，例牌一定要叫肉啦，由於我唔食牛，所以點左個羊肉片，豬肉片，同加拿大松阪豬，另外叫左個企鵝丸同魚皮。肉類唔錯好新鮮，羊肉我覺得有少少太肥，至於企鵝丸係佢地既推介菜，味道普通不夠造型幾可愛，可以打下卡，魚皮既份量頗多，炸得好鬆脆，同麻辣湯底幾夾。另外，佢地仲有提供任添既滷肉飯同炸甜薯球。滷肉飯啲滷肉好好吃，好入味，飯煮得偏軟不夠任食算係咁；炸甜薯球整得都好出色，唔會太甜，皮又薄，記得拎多幾粒，因為好快會俾人拎晒。跟住仲有西瓜同蜜瓜，都好甜唔
天寒地凍最啱打邊爐最近發現左呢間火鍋做緊優惠鴨血任添吸引到我即刻去睇下咩料。發現佢地如果18:00埋單仲有85折，如果21:30之後入座就8折，超抵！
入座之後首先選返湯底啦，呢度湯底款式好多，今次我就選左可以任添鴨血既台式麻辣鴨血湯底同埋花膠燉雞湯底拼既鴛鴦鍋。講下啲湯底啦，麻辣鴨血湯底啲鴨血味道唔錯，所以任添真係大飽口福，辣度就唔太辣可以再辣啲，缺點就係湯底唔係好夠味，略為遜色；至於花膠湯底就超正！店員會建議你先飲湯之後先開始打邊爐，啲湯真係好夠味好濃郁，花膠燜到好夠軟好有嚼勁，雞切左粒食落好爽口，仲有鮑魚同鮑片，呢個湯底我覺得滿分！
至於打邊爐既嘢食，例牌一定要叫肉啦，由於我唔食牛，所以點左個羊肉片，豬肉片，同加拿大松阪豬，另外叫左個企鵝丸同魚皮。肉類唔錯好新鮮，羊肉我覺得有少少太肥，至於企鵝丸係佢地既推介菜，味道普通不夠造型幾可愛，可以打下卡，魚皮既份量頗多，炸得好鬆脆，同麻辣湯底幾夾。
另外，佢地仲有提供任添既滷肉飯同炸甜薯球。滷肉飯啲滷肉好好吃，好入味，飯煮得偏軟不夠任食算係咁；炸甜薯球整得都好出色，唔會太甜，皮又薄，記得拎多幾粒，因為好快會俾人拎晒。跟住仲有西瓜同蜜瓜，都好甜唔錯。
飲品方面佢地出名既係奶茶，不過當日我地好想飲酒，所以冇叫到奶茶，而且酒做緊優惠，買三送一，一杯只係$58，好抵！之後我地發現其實佢地免費提供既茶其實超好飲，淨係飲茶其實都夠，可惜冇一早發現。🤣🤣🤣
最後食到好飽諗住埋單既時候，店員竟然送左一人一份酸梅啫喱甜品俾我地解膩，十分體貼，跟住送多杯細細杯既芒果冰沙俾我地，味道都唔錯。總結，呢間火鍋我認為超抵食又好味，一定會再黎！
张贴
