新推出嘅「香茜豬肉小籠包」簡直係為芫荽控而設啊～
🌿香茜豬肉小籠包
一上枱就俾佢個綠油油嘅外皮吸引住！
成個包鋪滿芫荽，連入面嘅豬肉餡都混入超多芫荽碎
咬開芫荽香味爆發出嚟，仲有滿滿肉汁，真係好香啊～
🥟招牌生煎包，底脆面軟
一啖咬落去d熱辣辣嘅湯汁即刻湧出嚟
豬肉餡又鮮又香，食嘅時候記得小心燙親嘴🥹
灌湯小籠包，皮薄餡靚
睇到裏面d湯汁搖下搖下咁～
蘸少少醋同薑絲，超滿足！
🍜胡麻醬五彩冷麵 夏天食呢個真係一流～
有雞絲、火腿、蛋絲、甘筍同青瓜
撈埋香濃嘅胡麻醬，清新得嚟又開胃🤤
🍖上海排骨擔擔麵
塊排骨炸到金黃香脆，入面仲keep到juicy～擔擔麵湯底濃郁帶少少辣
麵條又彈牙，食完成碗真係超級過癮
