翠華餐廳 (欣榮商場)

营业中

休息中

very very hungry呀！今日唔想食牛肉、豬肉、雞肉，奇怪嘅心情係好想食魚。見到個晚餐牌有魚食，即入「翠華餐廳 」。呢份晚餐嘅頭盤係牛油脆豬，湯有紅有白，我揀咗粟米忌廉湯，至於主菜係芝士焗脆蝦龍脷魚柳飯。焗魚柳飯對我嚟講係好有情意結，因為我個老豆生前最鍾意帶我食焗魚柳飯，由其是細個返學嗰陣時，每個星期都最少會食一次焗魚柳飯。焗飯係雞蛋炒飯底，芝士汁鹹鹹香香，原塊龍脷魚柳蓋住炒飯，可以算係啖啖有魚有飯，不過隻脆蝦就攪鬼，大隻得嚟卻縮喺魚柳下面，好難先揾到佢，食落冇蝦味。