豊勝手丼 (已搬遷) 新店位置

舖內地方唔算大，有 16 個座位，裝潢花了心思，仿似身在日本。丼飯定食有九款，附有前菜同味噌湯。兩款前菜有蘿蔔同螺肉。日式煮法白蘿蔔，上面放上木魚絲，蘿蔔清甜，好好既開胃菜。螺肉彈牙新鮮，完全無雪藏味，味道亦剛好，唔似得出面食既甘鹹。熱騰騰既味噌湯，味道適中，唔鹹唔淡。沢豊雲丹丼 $308🍴原板韓國海膽+日本海膽+赤蝦+碎葱吞拿魚腩賣相色彩繽紛，用料上乘，尚算新鮮，未食已好吸引。👉🏻韓國海膽夠哂肥美，味道較淡，但原板上真係令人流口水。👉🏻赤蝦大隻，肉質爽口、鮮甜，有漿口感覺，朋友更將蝦膏吸乾吸淨😄。👉🏻碎蔥吞拿魚腩，份量很多，入口即溶，充滿邪惡感。👉🏻日本海膽肉厚，色澤新鮮，入口甜美濃郁，比韓國海膽好食，拌飯一流。二重鰻丼 $198🍴原條鰻魚+原條星鰻醬汁早已被鰻魚鎖住，肉質豐滿，趁熱食，仲霧緊煙既感覺真好。而星鰻比較薄，但相比前者星饅更鮮甜，我同友人都更喜歡星鰻。饅魚配上滿滿既紫菜絲拌飯夠哂滿足。店舖小，但食物質素唔差，水準不俗，唔洗去日本都食到好既日本野，哈哈。