影片
更多
2022-03-18
2022 浏览
東歐餐廳 @ivanthekozak 📍：中環雲咸街63號巴力大廈1樓🚗：中環地鐵D2出口 步行5分鐘📞：+852 2851-1193💲：~HKD410/head for lunchFood quality✔️：傳統烏克蘭羅宋湯、醃排魚冷盤、招牌芝士焗牛脷盅、Kvass、Premium Vodka 👌🏼：傳統蘑菇薯仔餃子、古法香燒豬肋肉、烏克蘭風味峰蜜蛋糕、Lychee Milk Stout、Budvar❌：烏茲別克牛肉湯、酸奶燉蘑菇、傳統炆兔肉總結：😋😋心中黃店烏菜No.1 雖則好似冇咩競爭對手 但呢間餐廳憑著性價比 食物質素 份量喺本港中東菜界別都算獨領風騷😋作為食過好幾間中東菜嘅垃圾 中環呢個地段呢間算收得平 而且份量都唔少 我哋三個人癲咗咁叫咗以上咁多碟 另外用Google map比like老闆再多送兩杯shot (題外話：朋友話佢啲vodka堅唔錯 利申佢好嘴刁) 食咁多嘢都係人頭400蚊 十分抵食 正常人應該2至3百蚊就夠飽😋非常之咁推薦佢嘅牛脷盅 酥皮在上 上碟時職員會喺你面前剪開四塊 牛脷好滑配埋芝士難得唔膩 羅宋湯都好特別 有中東菜風味 醃排魚雖然普普通通 仲有啲鹹ti
📍：中環雲咸街63號巴力大廈1樓
🚗：中環地鐵D2出口 步行5分鐘
📞：+852 2851-1193
💲：~HKD410/head for lunch
Food quality
✔️：傳統烏克蘭羅宋湯、醃排魚冷盤、招牌芝士焗牛脷盅、Kvass、Premium Vodka
👌🏼：傳統蘑菇薯仔餃子、古法香燒豬肋肉、烏克蘭風味峰蜜蛋糕、Lychee Milk Stout、Budvar
❌：烏茲別克牛肉湯、酸奶燉蘑菇、傳統炆兔肉
總結：
😋😋心中黃店烏菜No.1 雖則好似冇咩競爭對手 但呢間餐廳憑著性價比 食物質素 份量喺本港中東菜界別都算獨領風騷
😋作為食過好幾間中東菜嘅垃圾 中環呢個地段呢間算收得平 而且份量都唔少 我哋三個人癲咗咁叫咗以上咁多碟 另外用Google map比like老闆再多送兩杯shot (題外話：朋友話佢啲vodka堅唔錯 利申佢好嘴刁) 食咁多嘢都係人頭400蚊 十分抵食 正常人應該2至3百蚊就夠飽
47 浏览
0 赞好
0 留言
😋非常之咁推薦佢嘅牛脷盅 酥皮在上 上碟時職員會喺你面前剪開四塊 牛脷好滑配埋芝士難得唔膩 羅宋湯都好特別 有中東菜風味 醃排魚雖然普普通通 仲有啲鹹tim 但配埋紅薑絲之後又出奇哋好食 做冷盤唔錯
42 浏览
1 赞好
0 留言
😋唔飲酒嘅朋友真係要試下飲Kvass 非常咁易入口 同埋風味好獨特 值得一試
36 浏览
1 赞好
0 留言
😋老闆好熱情咁推薦 雖則比佢伏咗嗰兔肉 但熱情嘅介紹都加咗唔少分 另外我呢嗰垃圾好煩成日要相機食先 員工都好識相咁上咗我呢邊先
38 浏览
1 赞好
0 留言
🤔燒豬肋肉作為招牌而且餐廳用咗自己名命名自然有所期望 可惜除咗會點火夠打卡able之外 舊肉炆得唔夠入味 又有啲韌 正正常常啦
37 浏览
1 赞好
0 留言
🤔餃子同埋峰蜜蛋糕嘅傳統或烏克蘭風味完全食唔出 本身係幾好食 但同其他餐廳冇咩大分別 所以有啲失望
25 浏览
1 赞好
0 留言
😨食咗咁多碟整體都唔錯 就算係❌嗰堆都唔係難食 只係唔好食(難食同唔好食有好大分別😀)主要係冇咩烏菜風味 其他地方都食到咁
😨最唔推薦就係傳統炆兔肉 兔肉好韌 而且配咗黑淑汁之後同茶餐廳嘅港式意粉一樣味 搞到我以為戰鬥民族都係食呢啲嘢
😨嗰烏茲別克牛肉湯實在太港式老母湯 仲要太淡 不過料都幾多 酸奶燉蘑菇竟然配埋西多(戰鬥民族食西多🙊wtf?!)我都o咗嘴 而且份量太多 前菜嚟計份量應該減半
21 浏览
2 赞好
0 留言
19 浏览
0 赞好
0 留言
张贴
