一坐底見有呢個海鮮航母盛宴餐單，又眼見枱枱都一大個鐵鍋，於是就即刻點返盤 ！
每枱仲可以點5個配料，所以我地都點咗肥牛、牛仔粒、蝴蝶腩、凍豆腐同響鈴。
等咗都超過半個鐘個鍋先黎到。一上菜就見個航母鍋超長超大隻，足足要用兩個電池爐先托到。
個鍋一早已放晒所有海鮮
同時又上埋啲配料
一黎到加埋湯就蓋上個鍋等佢滾。滾好後職員都好好咁提醒我地要食邊啲先，邊啲海鮮要等耐啲。
啲海鮮好豐富好多，蟹、鮑魚個啲就係人頭計。隻蟹係原隻蟹咁上，啲貝殻類嘅海洋都好新鮮。至於配料中嘅肥肉質素都好好，食完晒之後都已經好夠飽。基本上有齊海鮮、肉同菜，仲送埋麵添！已經可以飽飽咁食完一餐，好正！
