君子餐廳

营业中

休息中

紀念日，老公揀咗呢間中高檔西餐廳，環境舒服，坐得自在，服務員服務非常周到🥰Set dinner 價錢由$198 至$638 ，包前菜&主食。忌廉蘑菇湯& （+$48）法式鵝肝焦糖燉蛋配田園沙律 忌廉蘑菇好creamy ，好香鮮蘑菇鮮冬菇嘅味道。面層一層香脆嘅焦糖，裏面嫩滑嘅法式鵝肝，味道香濃，配上非常脆口嘅法式餅乾，好好食😋焗法國鱸魚伴蜆肉忌廉汁$328肉質鮮美的鱸魚，大大件，啖啖肉，味道清甜，脂肪含量較少嘅魚類，肉質結實，外表烤得皮脆肉嫩，配埋忌廉汁，好match . 伴碟仲有蜆肉，新鮮帶少許大海嘅味道，還有其他蔬菜同薯蓉，非常飽肚。波士頓龍蝦扁意粉伴龍蝦汁$398真材實料，用上波士頓龍蝦肉，濃郁鮮味，香扁意粉煮到剛剛好，煙煙韌韌，配埋新鮮嘅蕃茄襯托出龍蝦汁嘅鮮味。