潮藝館

营业中

休息中

前兩日同好朋友食飯我哋想食下潮州菜又想坐得舒舒服服，所以就book左位嚟開餐～我哋坐低先點咗一壺龍井嘆住啖靚茶，慢慢再點菜🤭🤭我哋先以普寧炸豆腐作為我哋嘅開胃菜外層金黃內裏軟綿嘅普寧豆腐口感好特別，點上帶有酸味嘅醬汁，確係醒胃之選！！鹵水鵝件差唔多係每次食潮州菜都必點嘅菜式呢度嘅鵝肉滷得好入味，肉嫩而唔會過肥～我點既菠菜蟹肉羮都好出色，清而不寡，鮮味突出❤️而朋友所點既碧綠川椒雞同濃湯蠔仔肉碎泡飯都唔錯！！特別係個蠔仔肉碎泡飯非常足料，蠔仔粒粒飽滿🤤🤤呢晚整體所點既菜式都幾岩口味，當中既有必點滷味，又有驚喜菜式，我地食完都好滿意！！