金屋泰國菜館

营业中

休息中

金屋泰菜館舒服好坐 ，咖喱好食 ，今日經過呢間餐廳，見六點幾都唔係太多人就入嚟食，啲位都隔得幾開，幾寬躺好坐。餐廳啲職員都幾友善主動，見你有需要會主動過嚟serve你，兩個人埋單250 都唔洗。泰式黃咖喱雞 $88啲咖喱整得唔錯，相比其他泰國餐廳來講幾好食，配料好香，薯仔好淋。可以話佢啲咖哩整得幾出色，咖喱當然要點蒜蓉包！ 泰式香蔥蒜蓉包 $42 蒜蓉包42 蚊 有6 件 但6件都唔係好大件 ，兩個人食就都係岩岩好夠食 、如果大食就要食多啲喇！生牛肉湯河粉 $62突然見到想食就叫左 河粉黎食 ，牛肉好重牛味，而且湯底做得幾好，有啲花生味，芽菜都新鮮，值得推介。泰式奶茶綠茶沙冰 $30味道幾特別，有綠茶香 同奶香 仲有一係獨特嘅泰式味道，口喝唔怕試下。