.
🇭🇰香港太古太古城道18號太古城中心3樓314號舖
🇭🇰Shop 314, 3/F, Cityplaza, 18 Taikoo Shing Road, Tai Koo, HK
.
人均消費: HKD160
.
味道: 👅👅👅👅
賣相: 👀👀👀👀
價格: 💰💰💰💰
環境: 🌹🌹🌹
服務: 👨🏻
性價比: ⭐️⭐️⭐️⭐️⭐️
回頭率: 🔆🔆🔆🔆
.
剛開時來過一次印象唔錯，今次覺得仲好味咗！👍🏻
入去前會每個人同你量體溫🤒️ 撞正落場時間，員工們態度表示好唔想招呼我哋咁😓
趕得上點午市套餐，另加幾個單點，套餐比單點大慨多$10左右，我以為套餐有沙律加甜品，點知得杯咖啡/茶😑
.
⭐️#芒果樹黃咖哩海鮮多士盒 HKD178
平時對依類多士盒興建不大，所以有少少驚喜！個黃咖哩好好味，唔辣嘅，勝在無棷汁味！入面有好多海鮮，魷魚青口蝦等等，入口非常惹味！個汁同個多士盒好夾，食落唔會好膩！唯一美中不足嘅係多士盒好快會變淋，要快啲食
.
👎🏻#泰北胡椒燒春雞 HKD178
燒春雞有一隻，望落都幾靚，食落就唔ok！成隻雞好鞋又無味，連皮都無味，佢有個汁俾你蘸，不過蘸完都係無乜味，唔算難食，但唔係好味
.
Ⓜ️#泰式大蝦炒金邊粉 HKD118
金邊粉炒得幾乾身，口感幾好，大蝦都有4-5隻，份量算ok 👌🏻不過就無平時食炒金邊粉嘅酸酸地果種惹味
.
💯#青芒果軟殼蟹沙律 HKD98
隻軟殻蟹好得！！炸得超級脆，咬落去”咯咯”聲，超有口感！蟹香好濃，食落有蟹膏香好惹味！
青芒果沙律比我想像中好食好多，因為青芒果係實肉芒果，切絲之後連其他蔬菜絲一齊食好有口感，酸酸地勁開胃！必試！
.
💯#泰式去骨鹵水豬手 HKD98
之前食過一次覺得好好味，滷得十分入味！豬手肉嫩又滑又香，無骨好方便！豬皮位仲帶油香，如果再肥啲仲正！
.
⭐️#泰式鐵板煎蠔餅 HKD98
雖然上菜見到奶白色好似唔太開胃，點知又幾好食喎！我喜歡佢唔係煎到奄列咁，食落有啲蛋漿嘅口感！蠔份量算ok啦，但芽菜有啲過多，味道係幾唔錯！蘸埋個泰式辣椒醬又幾正
.
⭐️#菠蘿海鮮炒飯 HKD108
入面有勁多海鮮，覺得個飯份量有啲少！😂飯炒得好靚好乾！食落個味道唔知點解會令我諗起西班牙海鮮飯😳入面有好多海鮮，全部都大大舊，$108好扺食！
.
⭐️#金不換青胡椒蜆煲 HKD108
唔知點解食晏會叫蟹煲🤣咦！幾好味喎！個汁超濃，味道同大排擋豉椒炒蜆差唔多，不過落左金不換，所以食落個汁有個層次味！蜆比我想像中少，好快就俾人食晒😂
.
食物我覺得唔算係好正宗，屬新派菜多啲，但感覺味道我覺得好ok！
環境我覺得唔錯，暗暗地，啲位都幾舒服！
係服務方面感覺唔太好，由入座到落單上菜以及埋單，幾個侍應都黑黑地面好似唔係好想招呼我哋咁，唔通真係阻住佢哋食晏？😅
.
