二人套餐
熱浪響鈴午餐肉，即叫即炸，熱辣辣香脆可口。
有機蕃茄薯仔豬骨湯，湯底好足料，用咗有機蕃茄薯仔和大大舊豬骨熬煮多個小時，未食火鍋先飲湯，啖啖都係精華，味道好鮮甜。
新鮮潮汕牛，牛肉色澤棕紅鮮亮，並用牌子分別寫上牛肉部位的名稱，匙柄有肉味。匙仁雪花均勻而牛味濃。吊龍肉味濃稠，有牛脂的香味。 雪花入口有脂肪香， 口感極佳，肉質嫩滑。
海鮮拼盤：海鮮每日新鮮運到，特設大型魚缸擺放多款海鮮，今日拼盤有鮮甜又爽口嘅蟶子皇和蝦，肉質肥美嘅生蠔。
即叫即包餃子：
芫荽豬肉餃入口滿滿芫荽味，咬開肉汁流出，十分足料。
韭菜豬肉餃，鮮甜韭菜香氣十足，豬肉鮮嫩適口,是餃子餡料最佳配搭！
香茅蝦膠扎肉餃，有泰式風味，多層次香氣與口感，豐富味蕾。
特色丸：
手打蝦丸，有蝦的鮮味，口感豐富彈牙。
梅菜豬肉手打丸，粒粒手打而成。肉質鬆軟，味道同梅菜蒸肉餅一樣。
手打彈彈牙魚蛋，真係好彈牙！
本地時令蔬菜拼盤，蔬菜好新鮮，吸收咗湯底精華，鮮甜美味！
水雲麵，麵條用水雲和小麥粉製成，故麵條有獨特的滑溜口感，而且美味可口。
