影片
更多
2017-06-18
155 浏览
每次當男友又心郁郁想食鐵板燒嗰陣都令我好苦惱，因為來來去去都係去秋x，諗唔到有咩新選擇。同事介紹俾我話上野已經開業多年，仍在旺區站得住腳，證明質素有保證。去次前做過一啲資料搜集，發覺佢有多款唔同價位嘅套餐，最平嘅人頭百幾蚊就食到鐵板燒，而高質嘅食材套餐（如神戶牛、龍蝦、鮑魚、近江牛）都有，真係令人心動啊！我地今次揀咗兩個中價套餐，鐵板大蝦套餐（二人前）$608同鐵板海鮮套餐（二人前）$608。兩個餐都有老虎大蝦，大蝦餐配上龍脷柳同安格斯肉眼，而海鮮餐就配魷魚同帶子，咁4個人就可以試多幾款嘢食喇！前菜有鮮蜆麵豉湯，豆腐沙律同蟹籽沙律，仲有三文魚同油金魚刺身，俾大家清一清胃口，準備好迎接一款款嘅主菜隆重登場。師傅已經攞齊材料準備開爐，睇吓啲虎蝦幾大隻！牛肉嘅色水都好新鮮，油花均勻。香煎龍利柳，真係陣陣香草味嘅飄香，外面有微微嘅焦脆，咬落肉質結實嫩滑多汁，師傅嘅烹調值10分！北海道帶子，煮熟後縮小了一點，有嚼勁，醬汁調配很好，能為帶子帶出磯燒味道。竟然除了一段日式燒烤必備的沙律和鐵板炒菜隆外，還能吃到別的瓜菜，翠玉瓜鮮冬菇味道都不錯。接著便來到燒原條魷魚，本來對燒魷魚沒什麼期待，但這個真的有
去次前做過一啲資料搜集，發覺佢有多款唔同價位嘅套餐，最平嘅人頭百幾蚊就食到鐵板燒，而高質嘅食材套餐（如神戶牛、龍蝦、鮑魚、近江牛）都有，真係令人心動啊！
我地今次揀咗兩個中價套餐，鐵板大蝦套餐（二人前）$608同鐵板海鮮套餐（二人前）$608。兩個餐都有老虎大蝦，大蝦餐配上龍脷柳同安格斯肉眼，而海鮮餐就配魷魚同帶子，咁4個人就可以試多幾款嘢食喇！
前菜有鮮蜆麵豉湯，豆腐沙律同蟹籽沙律，仲有三文魚同油金魚刺身，俾大家清一清胃口，準備好迎接一款款嘅主菜隆重登場。
師傅已經攞齊材料準備開爐，睇吓啲虎蝦幾大隻！牛肉嘅色水都好新鮮，油花均勻。
香煎龍利柳，真係陣陣香草味嘅飄香，外面有微微嘅焦脆，咬落肉質結實嫩滑多汁，師傅嘅烹調值10分！
北海道帶子，煮熟後縮小了一點，有嚼勁，醬汁調配很好，能為帶子帶出磯燒味道。
竟然除了一段日式燒烤必備的沙律和鐵板炒菜隆外，還能吃到別的瓜菜，翠玉瓜鮮冬菇味道都不錯。
接著便來到燒原條魷魚，本來對燒魷魚沒什麼期待，但這個真的有驚喜，香烤的醬油融入了魷魚肉中，肉質煙韌而不鞋，不講魷魚筒和魷魚鬚都夠哂惹味，送酒一流！
服務員姐姐大力推薦馬來西亞大虎蝦終於來了，賣相相當吸引，香烤味道四溢，蝦膏和蝦肉藏於蝦頭中，滋味非常。至於蝦肉，真係冇得輸，只可以說不知多久沒吃過如此爽脆彈牙的蝦肉了，蝦肉燒至略為金黃，在鐵板上贊點酒，「咋！」一聲，蝦肉剛熟收縮便上碟了，果然讚！
安格斯牛肉質素有保證，燒至四五分，保持肉內紅粉鮮嫩，炸蒜放一旁，濃淡調味由自己調較。
男友對炒飯讚不絕口，珍珠米炒得顆顆分明，餡料豐富，有洋蔥、青蔥、煙肉、雞蛋。
甜品有雞蛋布丁，焦糖味濃質感結實。值得一提非常欣賞老闆自家調製的洋蔥汁，任何燒嘅食物都同此汁很搭配！雖然老闆沒邊露秘方，但仍靠味覺略知一二。還要感謝侍應姐姐，在全場滿座時仍一直勤勞地幫我地上菜添茶換碟。😊
张贴
