帝樂 - 德國餐廳 (美麗華廣場) (已結業)

一直都很愛吃德國菜，因為有最鐘意食的德國炸豬手同各款香腸。之前行開美麗華商場1期都見到有呢間內部裝修好外國Feel,好有格調的餐廳，都想黎食好耐，咁啱今日行開尖沙咀買野就梗係要黎試試。 見到入面都坐满人，好彩等咗唔使幾分鐘都即係有張2人檯比我地。入面燈光比較暗，感覺上好有情調，加上仲有現場Live Band表演，歌手都唱得好好聽。今日的主角就係呢碟德國燒豬肘配酸椰菜及薯仔，成隻上檯，之後會幫你切好一舊舊，皮非常薄同脆，香口，豬肉又淋，有咬感，有鹹香味。德國腸拼盤配酸椰菜及薯仔，香腸本身有點鹹，加埋酸菜及薯仔調味就好夾烘焙紐紋軟包，自選兩種醬料，包是超軟熟，一試難忘。