影片
更多
2023-02-18
252 浏览
餐廳：川粵 (尖沙咀)地址：尖沙咀廣東道82-84號流尚坊11樓喺柴灣經營咗8年之後轉戰尖沙咀廣東道流尚坊嘅川粵，主打地道特色四川菜，甚至有一個大廚喺正宗四川人，跟足四川當地嘅食譜同辣味🌶，帶到嚟呢度比大家品嘗，不過餐廳都好細心嘅💕，就算你唔食得辣，一樣可以按自己個人嘅接受程度揀返相應嘅辣度🤓唔少打工仔都襯住6點前有午市套餐而過嚟食飯🥢，套餐價錢$68-$78：招牌干拌麵、四川肥牛、酸菜魚、招牌麻辣魚飯等等，真喺幾多款式，另外再送兩款四川小食同一款飲品🧃，都咪話唔抵食😋，而晚市方面就主打四川小菜、海鮮BBQ🦐、火鍋同四川干鍋✝️至尊套餐 $108呢個至尊套餐簡直喺嚟到必叫嘅食物之一，一個價錢有9款川粵特色食物，呢個九宮格成功俘虜咗唔少人嘅胃口🤤：口水雞、紅燒牛肉、川式白肉、涼拌木耳、涼拌萵筍、尖椒皮蛋、泡椒鳳爪、麻辣魚皮、紅油抄手，再送多碗「靚仔」白飯🍚，兩個人Share再叫多少少小食/小菜都好夠飽👍。比較鍾意爽脆夠麻又夠辣嘅魚皮，同埋有勁重骨膠原牛筋喺當中嘅紅燒牛肉，牛肉大舊得嚟炆得超腍又入味🐮，一試過試晒9款食物，下次再嚟就可以揀自己鍾意食嗰樣嚟叫😆✝️川粵雜錦干鍋 $78先喺孜然味、
地址：尖沙咀廣東道82-84號流尚坊11樓
喺柴灣經營咗8年之後轉戰尖沙咀廣東道流尚坊嘅川粵，主打地道特色四川菜，甚至有一個大廚喺正宗四川人，跟足四川當地嘅食譜同辣味🌶，帶到嚟呢度比大家品嘗，不過餐廳都好細心嘅💕，就算你唔食得辣，一樣可以按自己個人嘅接受程度揀返相應嘅辣度🤓
唔少打工仔都襯住6點前有午市套餐而過嚟食飯🥢，
套餐價錢$68-$78：招牌干拌麵、四川肥牛、酸菜魚、招牌麻辣魚飯等等，真喺幾多款式，另外再送兩款四川小食同一款飲品🧃，都咪話唔抵食😋，
而晚市方面就主打四川小菜、海鮮BBQ🦐、火鍋同四川干鍋
✝️至尊套餐 $108
呢個至尊套餐簡直喺嚟到必叫嘅食物之一，一個價錢有9款川粵特色食物，呢個九宮格成功俘虜咗唔少人嘅胃口🤤：
口水雞、紅燒牛肉、川式白肉、涼拌木耳、涼拌萵筍、尖椒皮蛋、泡椒鳳爪、麻辣魚皮、
紅油抄手，再送多碗「靚仔」白飯🍚，兩個人Share再叫多少少小食/小菜都好夠飽👍。
比較鍾意爽脆夠麻又夠辣嘅魚皮，同埋有勁重骨膠原牛筋喺當中嘅紅燒牛肉，
牛肉大舊得嚟炆得超腍又入味🐮，一試過試晒9款食物，下次再嚟就可以揀自己鍾意食嗰樣嚟叫😆
✝️川粵雜錦干鍋 $78
先喺孜然味、香辣味、麻辣味入面三揀一，再喺主食肥牛、肥腸、田雞裡面揀一樣，因為唔想食太多辣嘢怕上火🔥，
所以叫咗個香而不辣嘅孜然味。
除咗揀選咗嘅主食——肥豬之外，仲有蓮藕、椰菜花🥦、萵筍同雞軟骨，成個鍋喺用火爐熱住，食到底都仲喺熱辣辣，加上川式香料所帶嚟嘅惹味，每一啖食完都喺會忍唔住食第二啖、第三啖、第四啖……唔怪得咁多人都會叫嚟食😍！
张贴
