合益泰小食

营业中

休息中

講到食腸粉, 當然要數到深水埗既合益泰。 呢間經常大排長龍既人氣店, 腸粉絕對係平靚正之選!店外有排隊買走既人龍, 店內又堆滿自助等位入座既食客, 雖然好混亂, 但係都幾熱鬧。 仲要識得把握時機叫阿姐落單, 如果唔係都唔知等到幾時先有得食!腸粉有分大中細, 分別係$7-4條, $9-6條同$12-8條, 要左中size, 份量都唔少。 只係預先加左豬油、 豉油, 同麻醬既腸粉, 可以因應自己既喜好而落甜醬同芝麻, 腸粉超滑又彈口, 加埋香濃既混醬, 真係令人回味!另外叫左碟三拼小食: 蘿蔔+魚蛋+豬皮$25 蘿蔔煮到好諗勁入味, 又冇渣, 好好食, 好想叫多碟黎食!魚蛋有6粒, 咖喱汁煮過都幾入味, 彈牙得黎都幾辣下。 豬皮每片都大大塊, 都算幾彈牙下。雖然阿姐既服務態度好似唔休做咁, 但係大家早已習以為常, 都唔當係咩一回事咁。 廿幾三十蚊簡簡單單既一餐, 唔單止填飽個肚, 味覺上仲係大大享受。