樂天經典

营业中

休息中

發現舊屋開咗商場之後，好多野食，今日好想食胡椒蟹，見好多人食，而且店員都話好食嘅，梗係要試吓🥰星洲胡椒蟹食新加坡嘢梗係要食胡椒蟹啦，喺新加坡食過之後一試難忘，估唔到香港都食到咁好味嘅胡椒蟹。佢嘅胡椒味勁重，勁惹味，好想再食多個呀😍黃金魚皮勁好味嘅炸魚皮，一定要試，佢炸得一啲都唔油，鹹蛋黃味十足，非常香脆，一個人食一碟都冇問題。海南雞飯套餐佢包一碗油飯同埋有湯，當然唔少得係勁滑嘅海南雞啦，佢食法正宗有齊三隻醬，三隻醬都好好味。蝦米魚子蝦球炒飯呢個炒飯都幾有驚喜，炒飯炒得好乾身，粒粒分明，蝦球夠彈牙，炒飯加入魚子，有咬口好香又好夠味。最後梗係要試埋個甜品--綠豆清心丸啦，好好味呀🥰好滿意嘅一餐飯，下次去都一定會再食胡椒蟹，餐廳環境舒服，服務都好好，值得再去。