野玩田店

营业中

休息中

今次聯乘餐廳以特大玻璃窗，展示希臘Santorini 始人景色，加上裝飾都令人有置身希臘嘅氛圍，聯乘食品🍴天然純淨美肌饗宴🍴都充滿希臘嘅小清新！🥑青提乳酪牛油果海鮮塔 聖托里尼葡萄入口清甜爽脆，同牛油果及海洋嘅食感成對比，令海鮮塔入口更有層次。最鍾意個醬汁用上乳酪，天然嘅甜味令大蝦更鮮味，比起沙律醬更輕盈，令整個海鮮塔好清新refreshing! 🌹玫瑰吉士牛角包窩夫 擺盤及顏色都十分亮麗，以地中海野玫瑰作為點綴食用花，配上雜莓及香草味吉士。牛角包窩夫熱辣辣又香脆，牛油味香口但唔會油膩，配少少水果一齊食，酥脆中帶點酸甜。🦋蝶豆花鮮奶乳酪飲品 注目又獨特嘅蝶豆花藍色，令人感覺好舒服平和。飲品融洽了希臘乳酪及鮮奶，凍涼清新，入口有乳酪濃郁及酸甜，又有鮮奶嘅順口。