影片
更多
2022-02-01
3915 浏览
本來係book 12月24,11月尾打去book , menu 未岀就已full 咗，真無奈。終於weekday試倒。星期一人好多，餐廳唔細，位於酒店三樓，樓底高，有大落地玻璃, 有空間感。Set lunch 由1288四道菜起，我地選咗最基本嘅四道菜，starter 選兩款，main 一款，甜品一款。要讚一下個menu 應用係用recycle 紙，但感覺高貴。未order 已上餐前小食，先嚟係sour dough ， 每人一籃四件配兩款牛油。另外有一碟三件小食，分別係啫喱， 薄脆脆皇帝蟹同三文魚wasabi ，再送上紅菜頭汁。雪利酒配呑拿魚呑拿魚刺身新鮮，不過唔算肥美，個汁有少少濃味。小牛他他配黑松露明顯面有松露，不過食落就未感受到有關嘅香味，我地Share 我都食唔晒，waiter 有問我意見，我都照直答個汁好濃好heavy.鴨肝湯雪芭及血腸見倒個名感覺有啲腥🤨。嚟到係一個碗盛住雪芭，底有啲切咗粒嘅血腸，再喺上面即場加湯，味道鹹。最後一個starter 係田雞，上檯睇唔岀，面仲有啲椰菜花，田雞腿好大隻，不過唔太入味。主菜選咗M6牛 5成熟，有些少overcook, 我本人只食過M3
終於weekday試倒。
星期一人好多，餐廳唔細，位於酒店三樓，樓底高，有大落地玻璃, 有空間感。
Set lunch 由1288四道菜起，我地選咗最基本嘅四道菜，starter 選兩款，main 一款，甜品一款。
要讚一下個menu 應用係用recycle 紙，但感覺高貴。
未order 已上餐前小食，先嚟係sour dough ， 每人一籃四件配兩款牛油。
另外有一碟三件小食，分別係啫喱， 薄脆脆皇帝蟹同三文魚wasabi ，再送上紅菜頭汁。
雪利酒配呑拿魚
呑拿魚刺身新鮮，不過唔算肥美，個汁有少少濃味。
小牛他他配黑松露
明顯面有松露，不過食落就未感受到有關嘅香味，我地Share 我都食唔晒，waiter 有問我意見，我都照直答個汁好濃好heavy.
鴨肝湯雪芭及血腸
見倒個名感覺有啲腥🤨。
嚟到係一個碗盛住雪芭，底有啲切咗粒嘅血腸，再喺上面即場加湯，味道鹹。
最後一個starter 係田雞，上檯睇唔岀，面仲有啲椰菜花，田雞腿好大隻，不過唔太入味。
主菜選咗M6牛 5成熟，有些少overcook, 我本人只食過M3牛，M6第一次，心目中M3幾抵食，唔調味都唔錯，呢個M6配一個好油好濃嘅汁，有少少浪費咗食材(如果食材係靚😅)
另一個係魚，用菜包住，好厚，講真唔太夾，又令魚嘅生熟度唔太平均。
甜品好欣賞，粟子蓉配黑茶雪葩構圖好有心思，彷彿係兩塊葉伴住一粒大栗子，中間有少少酸酸地，唔會太heavy😋
另一個朱古力梳乎厘好罪惡，朱古力食得岀係高質，不過真係太漏，旁邊嘅蕎麥雪葩超好味😍，好香。
最後有甜品車，印象中只有呢度同金鐘一間星級餐廳先有，對大部份女士嚟講應該係恩物，不過我地已經好full ，就揀咗少少share
最後嘅mocha 主要係朱古力味，無乜咖啡味。
整體食物質素一般，但服務係非常有水準✨，係我心目中係數一數二，上菜同步，人手好充足，一示意就有waiter 上前，想去洗手間又會帶路，好貼心🥰
张贴
