燒肉屋 (清風街)

今日嚟到位於天后嘅燒肉屋食飯，雖然今日係平日，但係嚟到餐廳嘅時候都已經差唔多滿座咁滯。餐廳嘅佈置非常之有心思，係牆壁上仲貼咗唔少海報添。薄切和牛常滿二人套餐蟹將軍沙律蟹肉撈埋薯仔之後，令到薯仔更加容易入口，份量適合同朋友share。和牛肉眼和牛肉眼已經預先經過調味，只要稍為煎少少，已經好好味。厚切牛舌依家個牛舌份量非常之多，亦都好厚切，不過煎嘅時候就要小心，因為本身切得好厚，唔係咁容易燒得熟。牛肩胛串牛肩胛嘅數量都幾多，有香濃嘅牛肉香味。蒜蓉牛油帆立貝帆立貝配上牛油同蒜蓉之後，味道更上一層樓。蜜糖燒雞翼餐廳已經預先處理過少少，令到燒嘅時候更加方便。整體嚟講，我覺得今餐嘅肉類質素都幾高，加上燒完之後仲有一陣陣炭火嘅香味，唔怪之得平日都咁多人嚟幫襯啦。