聚來車仔麵

呢間聚來車仔麵係我最近發現嘅一間好好食嘅車仔麵店，位於深水埗基隆街。餐廳環境乾淨，類似茶餐廳冰室咁既坐位，枱上有佢地自己整既辣菜脯比客人自己落。食物方面，佢地嘅車仔麵配搭好多元化，無論麵底定餸，諗得出既都基本上有，湯底仲有多款醬汁選擇。招牌煎餃係必叫，外皮金黃酥脆，裡面包住豐富嘅韮菜配合鮮肉，餃子內餡多汁，搭配上特製嘅醬汁，味道更加升華。爆漿阿華田西多士係另一道必叫，外皮酥脆，一咬落去，裡面濃郁嘅阿華田巧克力醬即刻爆出，甜而不膩，華田粉絲必叫。總體嚟講，聚來車仔麵係一間好好食嘅車仔麵店，環境乾淨，食物好味，服務態度好，值得一試。