美味餃子店

营业中

休息中

感覺好多街坊去食，個個都10隻10隻咁叫，都有唔少人叫外賣。我嘅朋友話2-3年前個餃子皮韌啲、好食啲，而家冇以前咁高質。美味餃子都有辣菜脯，比較乾身，又香又重口味，但同我嚟講少辣。*煎雲耳椰菜肉餃 大碟(10隻) $54餃子好大隻，10隻裝滿成個碟。煎餃煎到卜卜脆，皮唔厚但唔夠韌度。雲耳椰菜係屬於淡味嘅食材，但係餃子餃絕對唔會淡味無味，味道豐富又口感多，食材都好新鮮，加埋少少醋更加好食！韭菜肉餃 大碟(10隻) $53湯餃都好大隻，滿滿嘅一碗。湯係野葛菜煲生魚豬骨湯，係幾唔錯飲。餃子皮浸湯會再腍啲，餡料新鮮，韭菜份量好多但未算好香。