二鍋頭 (福苑)

营业中

休息中

疫情關係好耐都冇去過打邊爐，朋友介紹二鍋頭，所以今日就去試一試二鍋頭嘅真偽。二鍋頭係先食雞煲再打邊爐，我哋揀咗個小辣雞煲。雞煲黎啦！啲雞嫩滑分量多而且啲辣味無冚過雞嘅鮮味。食完個雞煲都已經半飽啦。食完雞煲，唔係就咁加湯，係重新換個新煲再打邊爐。我揀左川辣湯底，叫左小辣，覺得可以再辣少少，下次可以挑戰中辣。上菜啦！肥牛唔係劣質嘅冰鮮牛，唔多肥膏而且肉味好濃。海鮮多款選擇而且新鮮，蜆無沙鮮甜，海蝦大隻肥美，仲要係無限encore。我哋encore左好多次。下次要再嚟呀！整係食海鮮都會回晒本啊。