姚姚酸菜魚 (屯門市廣場2期) (已結業)

今日屋企人突然同我講，好想食酸菜魚，問我幾時帶佢返大陸食，我話而家要食好味嘅酸菜魚，唔駛去到咁遠，香港都有啦👍🏻 姚姚酸菜魚已經嚟咗香港開分店啦，所以我就馬上訂位，帶屋企人去食啦😂，仲可以買埋半價優惠四川回鍋肉 - 回鍋肉又香又辣，越食越開胃。加上用了京葱嚟炒，更加好味，京葱吸收了肉汁嘅味道，勁正😍川菜鴨架 - 作為前菜，非常之好，鴨肉都有少少辣，令人食到停唔到口北京烤鴨半隻 - 呢個烤鴨好高質，鴨皮香脆，又有大量鴨肉，真係好抵食。佢哋啲皮唔會一塊塊黐埋一齊，加上配料一齊食用，鴨皮的油香比塊皮吸收晒，一齊食落肚果種滿足感，太美妙了👍🏻👍🏻酸菜魚 - 重點係個酸菜魚，魚肉新鮮嫩滑不在話下。佢哋做法係加入大量麻子去做個湯，好好飲，少少辣，但果種麻嘅感覺會長留口腔，好過癮。一啖酸菜魚，一啖飯，滿足晒屋企人嘅要求👏🏻飲品方面，我哋點了兩杯特飲，茉莉香橙 及 新鮮水果烏龍茶。兩杯飲品都比人一種清新嘅感覺，可以為口腔帶來一個淨化，繼續食過😂