小曼谷泰國美食站

营业中

休息中

好耐冇食泰國嘢，唔想過海去九龍城，於是近近哋就去咗銅鑼灣Tower 525底庫間「 小曼谷泰國美食 」食晚飯。晚飯時間要等位，十分旺場，而且有駐場歌手不停獻唱廣東歌，可惜音響差、音準差，只能說餐廳嘈吵熱鬧。講返嘢食，餐廳用電子下單，方便。《 風味燒豬勁頸肉 $138 》大塊而且每塊切得薄身有焦香，肉幾嫩，醬汁微辣惹味。《 黃咖喱雜菜 $118 》咖喱濃稠度剛好，略帶少少辣，蔬菜算多吸汁好味，唔想食淨啲咖喱，嗌薄餅或者飯就啱晒！《 泰式原味烤酥餅(2塊) $52 》有4塊，酥脆香口，幾有牛油味。《 泰式青檸梳打 $45 》大杯，入口有薑味幾特別，加埋檸檬味清新解辣。