嚥宮

营业中

休息中

堅尼地城呢間餐廳中午有點心，夜晚有中菜食，好受街坊歡迎。而家夜晚唔止有酒樓菜式，仲有得食烤魚。所以我特登帶咗屋企人嚟食。佢哋嘅烤魚真係好大份。我哋嗌咗一份江團魚。烤魚好大隻，三至四個人都夠食。江團魚肉質嫩滑，又冇咩魚骨，味道仲好鮮甜。濃郁嘅湯汁有好香嘅辣椒同埋花椒香氣，再灑上芫荽香到不得了。青瓜同埋其他蔬菜索晒啲湯，越煮越好味。佢哋嘅冰鎮咕嚕肉又脆又多汁，味道酸酸甜甜好開胃！想營養均衡啲，所以我哋嗌咗一碟豬油渣菜心。菜心新鮮翠綠，加上豬油渣嘅香氣變得非常惹味。啲豬油渣仲脆卜卜！