Greyhound Café (海運大廈)

营业中

休息中

餐廳主打泰國和西餐fusion菜， 有傳統和新式泰國菜式 選擇， 餐廳裝修華麗， 比較似西餐廳， 給人寬敞、舒服感覺， 入口雪櫃裏的千層蛋糕， 非常吸引， 侍應態度友善。帶子、蘆筍寬麵$148帶子肥厚圓潤， 表面煎到微微焦香， 賣相吸引，入口嫩滑、鮮味，寬麵軟硬適中 ，完全沐浴在菠菜醬汁中，每條意粉都掛滿稠密醬汁，令意粉更加鮮味， 夾合埋新鮮蘆筍，鮮甜爽脆 ， 令人陶醉其中。泰式香燒原條魷魚筒$128原條魷魚筒醬汁燒， 體貼地 切開 一圈圈，魷魚入口濕軟， 柔軟而帶著嚼勁，魷魚味香濃 ， 好味到唔停得口 ，配上泰式微辣醬汁， 將「泰式風味」呈現在舌尖上。芒果糯米飯$68糯米飯鋪滿滑溜的椰漿， 椰香出眾， 糯米飯入口黏糯、煙韌，表面灑上香脆的芝麻粒，脆卜卜，與椰漿非常搭配 ，芒果肉蜜甜多汁，夾合糯米飯享用， 十分享受， 成為泰式人氣甜品。