Jo Jo Indian Cuisine

营业中

休息中

今日朋友突然話想試印度菜，我都覺得呢個提議唔錯，平時好少食印度野。😙 咁食得印度野，就一定要搵間質素有保證嘅餐廳啦，Jojo Indian 就係香港印度野數一數二嘅好餐廳☺️。首先想一讚嘅就係呢間餐廳嘅環境，真係好有印度風情，由佈置、裝飾，到到電視機播緊嘅印度歌曲，都令你瞬間感覺真係去左印度一轉咁。☺️ 服務員都好有禮貌，我地一坐低，佢地就即刻為我地送上印度小食☺️☺️，薄脆配特色醬汁，都幾好食。☺️我地兩個人，又有好多菜式想試，所以都叫左唔少款式😛 例如著名小食—Pani Puri 個麵包球脆脆地，包住唔同嘅豆類同薯蓉，配埋醬汁都唔錯嫁。跟住仲叫左 Jujeh Kebab，係烤雞串咁解，雞串會連埋鐵板上，熱辣辣咁，雞肉味濃、肉質嫰滑。我地仲叫左個印度薄餅、再配埋咖哩羊肉個醬汁，真係絕配😛😛😛。佢嘅印度薄餅好有口感，入面仲夾左少少香菜，令到成個味道更豐富。☺️☺️總嘅黎講，呢間餐廳性價比唔錯，係印度菜黎講，佢叫做符合到香港人口味，推薦大家黎試一試，好有驚喜😙。