影片
更多
2018-08-29
133 浏览
成日經過女人街，有一間日式鐵板燒留意左好耐! 今日咁岩落大雨又要搵野食，終於都同朋友入左黎!有別於一般鐵板燒，餐廳有三張鐵板台三個師傅，香港同見既都係得一張鐵板台一個師傅吧!? 而且訂位既人都好多，全部坐哂係鐵板bench睇住師傅煮，別有一留風味~ 我地walk in唯有坐普通位~Menu上既鐵板餐有近10款，高級既都過千，同朋友揀左個中價既試下，點左二人前既鐵板大蝦套餐，唔想食鐵板都有一般日式麵飯壽司，選擇非常多。先黎左碗活蜆雜菇麵豉湯~未睇餐牌既時候，飲落以為係魚湯黎，因為魚鮮味濃，而且麵豉唔突出，非常香。一睇之下原來係蜆湯! 整個湯味道溫和，唔似外邊既麵豉湯好濃麵豉味而且偏咸，材料加左豆腐同昆布，正!沙律都比較少見，用木魚絲主打既沙律，撈埋黎食，木魚味超香濃，仲加左蟹柳，食落更鮮~雙色刺身有甜蝦同三文魚，仲以為會係三文魚同吞拿魚添~三文魚厚切，入口香滑，油脂超香，讚! 甜蝦一般，唔太突出。比較有趣既係食材拎去俾師傅煮之前先俾我地過一過目，見到隻虎蝦同肉眼扒已經流哂口水，專登用筷子量過隻虎蝦，足足有筷子咁長，目測都有20cm。而佢塊肉眼，仲長過隻蝦!!!!三文魚扒都又厚又大件!三文
有別於一般鐵板燒，餐廳有三張鐵板台三個師傅，香港同見既都係得一張鐵板台一個師傅吧!? 而且訂位既人都好多，全部坐哂係鐵板bench睇住師傅煮，別有一留風味~ 我地walk in唯有坐普通位~
Menu上既鐵板餐有近10款，高級既都過千，同朋友揀左個中價既試下，點左二人前既鐵板大蝦套餐，唔想食鐵板都有一般日式麵飯壽司，選擇非常多。
先黎左碗活蜆雜菇麵豉湯~未睇餐牌既時候，飲落以為係魚湯黎，因為魚鮮味濃，而且麵豉唔突出，非常香。一睇之下原來係蜆湯! 整個湯味道溫和，唔似外邊既麵豉湯好濃麵豉味而且偏咸，材料加左豆腐同昆布，正!
沙律都比較少見，用木魚絲主打既沙律，撈埋黎食，木魚味超香濃，仲加左蟹柳，食落更鮮~
雙色刺身有甜蝦同三文魚，仲以為會係三文魚同吞拿魚添~三文魚厚切，入口香滑，油脂超香，讚! 甜蝦一般，唔太突出。
比較有趣既係食材拎去俾師傅煮之前先俾我地過一過目，見到隻虎蝦同肉眼扒已經流哂口水，專登用筷子量過隻虎蝦，足足有筷子咁長，目測都有20cm。而佢塊肉眼，仲長過隻蝦!!!!三文魚扒都又厚又大件!
三文魚扒先整好，煎得岩岩好唔會過老，而且調味適中，吉開既時候仲十分多汁，入口油香十足咸味岩岩好，超滿足!!!! 最正係佢既魚皮，煎得脆脆地，入口更香!另一個焦點係隻菇，都係咁香腍多汁，好味!!
虎蝦上場，絕對唔講得笑! 煎好之後切粒，粒粒都好飽滿好大粒，顏色鮮豔，睇得出佢係新鮮野! 食落超鮮甜超有咬口，夠哂彈牙。最特別係佢蝦頭都食得，幫你拆埋殼，成個頭都係蝦膏，選料靚得有點過份，絕對有高級日本料理店既水準!
安格斯肉眼同樣高質! 份量大唔洗多講，點左五成熟，色澤上熟成程度岩岩好，而且入口溫度微暖，有煎完之後放涼再切，免得肉汁都流走哂! 餐廳仲有一個自家製洋蔥汁，覺得蒜片都唔夠可以試下，洋蔥汁味道夠香，冇平時食洋蔥個種辛辣，配肉眼食別有風味，正!
仲有炒飯兩碗同炒菜一碟，同樣份量一足! 其實食到呢度都開始覺得飽，份量實在太足! 煙肉黃金炒飯無乜油膩感，炒飯入口仲有粒粒口感，飯粒香軟唔會太硬或太乾，材料都切得比較細，加上蝦子一齊食，口感均衡。
炒雜菜調味唔錯，而且椰菜又爽又甜，外邊好多時都食到有少少苦味，呢度既好正!
最後仲有甜品，雞蛋布甸再加兩球雪糕，太誇張了….真係食到捧住個肚走。
價錢上，658 + 20茶芥 + 10% 服務費，兩個人埋單750。由頭盤到甜品有十款菜式，都真係幾抵食。而佢既用料都食得出新鮮，仲要份量十足! 二人前完全足夠三個人食! 女人街有間咁高質既鐵板燒，下次一定會再黎!!!
张贴
