羅東肉焿番

营业中

休息中

今日在元朗放工約埋好友一起食晚飯，去到羅東肉焿番。岩岩好去到有位，睇一睇食咩先。今日叫左一人一個羅東肉焿湯餐，我自己就飲冷泡無糖高山茶而朋友就飲古早冬瓜茶。再追加一個魯肉汁青菜。羅東肉焿湯-湯底肉味都好鮮甜，入面有醋帶出肉鮮味仲有好多豬肉，幾好味道。魯肉飯-肉質良好，份量都幾多，糖心蛋咬落去都幾好味道。魯肉汁青菜今日係生菜，都新鮮好味道。古早冬瓜茶-唔會太甜好香冬瓜味道。冷泡無糖高山茶-雖然冇加糖但入口仍然有茶香，凍凍地幾好。食完主菜到甜品時間。巧克力醬吐司-甜甜哋幾好味道。黑糖甜湯-有三色芋圓，波霸白玉珍珠，蜜紅豆。煙韌彈牙好味道仲有唔係好甜。