德福閣

营业中

休息中

呢日下晝朋友話帶我食自助午餐, 真係未出發先興奮,原來朋友帶我黎到stanford hotel 既M/F, 呢度有間餐廳叫德福閣, 入面係有自助午餐食, 真係唔係佢帶我黎我都唔知,呢個位我成日經過~ 午餐都估佢唔到咁多人,佢既座位都真係幾舒服, D櫈都係大大張, 好似梳化咁~ 佢呢度既野飲係出去自己拎, 有咖啡機, 可以飲Cappuccino, latte, 熱朱古力等等, 仲有紅茶同埋橙汁拎! 而野飲隔離就有cocoberry既雪糕同埋燸米糍拎~ 講番正題, 佢有既海鮮有兩款, 一款係青口, 一款係海蝦, 青口都尚算肥美, 海蝦都幾彈牙, 海鮮區隔離就係沙律吧,都有唔同既醬可以拎, 再行前就係cold cut, 都有D 唔同款既火腿, 之後就係炸物, 我呢日就有春卷同薯角, 然後仲有小籠包, 炒飯, 蒸魚柳, 鎮江骨, 中西湯~ 總括黎講係中式食物比較多, 所以都幾適合長者黎食~ 另外都有唔少甜品可以選擇, 仲有即整pancake 添!