灣嘢，整體嚟講幾有驚喜！😆
首先叫咗個台灣牛三寶麵，揀咗粗麵，湯底幾濃郁，牛筋、牛肚同牛肉都炆得夠淋，入味得嚟又唔會太鹹，粗麵咬落有口感，唔錯！
朋友嗌咗滷水雞翼肉燥拌麵，揀咗幼麵，滷水雞翼大大隻，肉質嫩滑，加埋肉燥一齊拌勻，味道香口，幼麵掛汁能力幾好，食落唔會太乾。
小食方面，試咗炸澎湖花枝丸，外皮炸得金黃香脆，入面彈牙，仲食到一粒粒花枝粒，口感豐富！另外加咗個肉燥燙青菜，清清地但又因為肉燥變得惹味，平衡返成餐飯。
飲品方面，我後加咗杯凍原味奶茶，茶味同奶味比例啱啱好，唔會太甜，幾清爽～朋友就叫咗熱洋甘菊花果茶，佢話飲落好舒服，有淡淡花香，食完濃味嘢啱晒。
價錢方面，兩個人食到飽飽都係$196，算係合理，Food court環境算乾淨企理，下次想食台灣嘢都會再嚟！👍
1
