成日喺 社交平台 見人打卡話靚到唔似香港，今次終於同朋友親身去咗喺如心廣場嘅 PARKSIDE@NINA！
一入門口就見到一排玻璃櫃擺滿木化石展品，聽講啲木係由本地社企用回收木整成，夠晒本土之餘都幾有意思。成間餐廳裝修都好有格調：超高樓底、拱形天花、紅白格仔地磚，再加埋落地玻璃，陽光照入嚟超舒服～ 坐低嘅時候真係有啲似去咗外地餐廳 嘅感覺 ☕️⛪️
1
設計用木化石做主題係源自隔籬嘅如心園，講緊係亞洲最大嘅木化石收藏園區 🌲 餐廳連裝飾都配合埋，即刻覺得成件事文青咗 😆
🍽️ 講返食物！
🔥 原隻香蒜迷迭香烤雞 $208
用咗成 900g 美國雞，用香草醃過，撕開有肉汁！雞髀嫩滑，咬落有肉香，配埋粗薯條同烤蔬菜，一個人可能會食唔晒！
🍷🦐 紅酒糟虎蝦捲意粉 $168
醬汁用咗餐廳自家釀嘅紅酒糟 (要成 3 個星期先整好），再加少少紹興酒，整出嚟係粉紅色嘅醬汁，聞落有淡酒香味 🍷 捲意粉煙韌，配埋虎蝦中西合璧得嚟又唔會覺得奇怪，幾有新意！
🧀🍕 煙三文魚菠菜薄餅 $158
酸種麵糰發酵做底，焗出嚟口感煙韌，三文魚鹹香味適中，菠菜加芝士擺盤精緻。
