堅信號上海生煎皇 (形點 II)

营业中

休息中

越開越多分店的「堅信號上海生煎皇」，今日終於有機會來試試！和朋友到元朗yoho逛街，見到這邊有分店就過來醫醫肚。第一次見紅色皮的小籠包，視覺效果好衝擊！肉餡混雜了雞髀肉、鮮甜番茄粒，以及薯仔粒，味道好香，口感豐富。而且還有番茄湯汁在內，入口爆汁，充滿濃郁蕃茄酸甜味道。感覺膩度較平時小籠包輕。湯飯配餸分別有雞絲、滑蛋、螺旋藻，飯量都幾多（可以選湯麵）。雞絲和湯飯都幾搭。而螺旋藻口感就帶點爽身。配上鮮甜的番茄湯底，令人越食越開胃！朋友愛吃上海粗炒！粗麵口感帶點煙韌，和烏冬有幾分相像。配以豉油、蠔油等炒香，麵條掛上醬油色，味道好香。粗炒伴以豬肉絲、冬菇、椰菜等配餸，但稍嫌油份略多。掃qr code入會，成為會員後獲贈一個生煎包。麵包外層煎到脆身，肉餡都相當juicy。