堅信號上海生煎皇 (形點 II)

见广告出咗个爆茜小笼包，作为一个芫茜控，梗系要嚟试下啦😋⭐冻豆浆&⭐酸梅汤扫码落单三分钟内已经送上餐饮，十分有效率👍⭐坚信号生煎包嚟得坚信号必食佢个生煎包，外脆内边爆多汤汁，好好味，食足咁多次都冇失望😍⭐红油韮菜饺跟餐小食韮菜饺，淋上辣油加醋，酸酸辣辣几好味。⭐秘制猪扒上海粗炒主食之一点咗上海粗炒，面条软腍但有嚼劲，调味唔错够香口，而猪扒入口松软，甜甜地啱口味。⭐咸肉炒菜饭主食之二点咗炒饭，系咸肉菜饭再加简单翻炒，饭只系轻轻炒过并不干身，饭粒仲系软绵绵有饭香，入口带咸香仲有菜粒口感，唔错呀😋⭐京汁茄子呢款跟餐小食意外地大分😳茄子走油外脆内嫩，最正系个酱汁，辣油带葱香同蒜香，正到攞嚟捞饭唔好晒😆⭐香茜猪肉小笼包最后登场嘅就系心心念念嘅芫茜小笼包，一上枱见到绿色一片真系够多茜😍入口系好重嘅芫茜味，入面仲有好多汤汁，皮薄馅鲜好食㖞🤤有啲想试埋辣味同紫椰菜味嘅小笼包，可唔可以整个三色混合款😆两个人真系叫唔到三款嘛，唯有分开三次试啦，唔知佢呢个期间限定做到几时呢🤔…查看更多

坚信号最近推出左爆量级小笼包，新出3款特别爆口味，包括有：香茜猪肉(爆茜)、辣子鸡肉(爆辣)、炸菇紫椰菜猪肉(爆菇)。香茜猪肉小笼包 8只 $75整碟由内到外都充满住满满既芫茜，绿色皮既小笼包好抢眼，食落去味道同一般小笼包差唔多，多左阵淡淡既芫茜香味)，比想像中好食。上海排骨炒饭 $62上海排骨即系炸猪排，猪排几大块，不过炸粉多左少少。蛋炒饭炒得都唔错。四川担担面 $65担担面拣左小辣，食落只有好微微既麻同辣，无咩麻酱味，不过份量足够，晚餐会跟一份小食，配红油韭菜饺。孜然鸡翼 $33孜然鸡翼一份有3只，孜然味几香，鸡翼都唔错。单恋豆乳仙草冻跟餐加$15，个名有d长，其实即系黑色冻仙草加豆浆！…查看更多

坚信号生煎包喺我心目中一直都几好食，唔单止馅料好味，仲会爆汁，不过佢嘅价钱都几贵。今日同屋企人去食下午茶，价钱稍为平少少。四件生煎包下午茶餐$37,另外叫咗猪扒煎蛋菜饭$42再加多两只生煎包$15，番茄蛋牛肉螺旋藻汤面$58。而家关注小红书有冰粉送！生煎包仍然系外脆，爆汁，但食落唔够热，咬出嚟嘅汤汁都只系微温。猪扒煎蛋菜饭份量十足，猪扒好入味不过唔够juicy。蕃茄蛋牛肉螺旋藻汤面都几好食，而且我觉得佢嘅蕃茄汤底唔算好重味精，都几适合小朋友或者喜欢淡味嘅人士，牛肉几嫩，仲有好多螺旋藻，都唔错。赠送嘅冰粉都ok，有几粒提子干同埋好似系黑加仑子味嘅酱汁？食落都几消暑，唔介意关注佢哋小红书都可以换领试下。…查看更多

越开越多分店的「坚信号上海生煎皇」，今日终于有机会来试试！和朋友到元朗yoho逛街，见到这边有分店就过来医医肚。第一次见红色皮的小笼包，视觉效果好冲击！肉馅混杂了鸡髀肉、鲜甜番茄粒，以及薯仔粒，味道好香，口感丰富。而且还有番茄汤汁在内，入口爆汁，充满浓郁蕃茄酸甜味道。感觉腻度较平时小笼包轻。汤饭配𩠌分别有鸡丝、滑蛋、螺旋藻，饭量都几多（可以选汤面）。鸡丝和汤饭都几搭。而螺旋藻口感就带点爽身。配上鲜甜的番茄汤底，令人越食越开胃！朋友爱吃上海粗炒！粗面口感带点烟韧，和乌冬有几分相像:)。配以豉油、蚝油等炒香，面条挂上酱油色，味道好香。粗炒伴以猪肉丝、冬菇、椰菜等配𩠌，但稍嫌油份略多。扫qr code入会，成为会员后获赠一个生煎包。面包外层煎到脆身，肉馅都相当juicy。…查看更多

坚信号 @gingsunho 同 @delmonte.hk 联乘餐牌-新出番茄系列！！🍅番茄控必试🍅 番茄Buddy套餐🍜 番茄蛋牛肉螺旋澟汤面汤底浓郁！面底挂汁配上牛肉同滑蛋！非常滋味🥟 番茄鸡肉小笼包（2个）皮薄馅靓用上番茄皮包裹鸡肉馅酸甜清新突破常规小笼包味道另外我仲叫左店内多款特色菜品！味道唔错！排骨菜饭～排骨酥脆可口孜然鸡翼～即叫即烤够惹味莴笋泡椒鱼皮 ～ 微辣醒胃红糖糍粑～够哂Q弹单恋豆乳仙草冻～好喜欢浓郁豆乳香📍 坚信号元朗凤翔路69号建辉大厦地下5号舖（元朗站B出口行8分钟）#坚信号 #坚信号上海生煎皇 #一口爆汤 #生煎包#元朗 #上海料理 #番茄 #元朗美食…查看更多