影片
更多
2019-08-21
403 浏览
有時嫌連鎖店出品嘅蛋糕味道普通，用黎打卡又唔掂，如果要搵間可以回訪嘅，La Famille係其中之一。今年都曾經以佢地嘅原個戚風作為另一半嘅生日蛋糕，口味夠多之餘，味道穩陣，賣相得體，價錢合理。旺角店位於朗豪坊B2層，由於比較近公司，所以好多時都選擇此分店。店面明亮，最吸引嘅當然係凍櫃入面色彩繽紛嘅蛋糕，好多人行過都忍唔住望兩眼，然後帶左佢地嘅蛋糕番屋企部份分店設堂食，約朋友下午茶食件cake，都不失為好地方。原個蛋糕18款，加上時令推出嘅期間限定水果蛋糕(而家係日本完熟蜜瓜)，口味眾多，例如法國玫瑰、蒙布朗栗子、檸檬北海道芝士、日本柚子、伯爵茶、芒果乳酪等。蛋糕分15cm/17cm/20cm/23cm，以15cm為例，定價$340-400，足夠4-6人分享。除左現場購買，仲可以喺網站預訂、付款。除左原個蛋糕，仲供應多款petit cake、巴伐利亞，今日我黎正正係為左迷你戚風，當日現場都見到有超過10款，好似有和茶三色、伯爵茶、檸檬蜂蜜、朱古力等，定價$54-65。款款都想試，花多眼亂，最終揀左6款唔同口味。蛋糕強調無添加防腐劑、香精，而且大部份選用食材由日本直送，例如高知縣柚子、北
旺角店位於朗豪坊B2層，由於比較近公司，所以好多時都選擇此分店。店面明亮，最吸引嘅當然係凍櫃入面色彩繽紛嘅蛋糕，好多人行過都忍唔住望兩眼，然後帶左佢地嘅蛋糕番屋企部份分店設堂食，約朋友下午茶食件cake，都不失為好地方。
原個蛋糕18款，加上時令推出嘅期間限定水果蛋糕(而家係日本完熟蜜瓜)，口味眾多，例如法國玫瑰、蒙布朗栗子、檸檬北海道芝士、日本柚子、伯爵茶、芒果乳酪等。蛋糕分15cm/17cm/20cm/23cm，以15cm為例，定價$340-400，足夠4-6人分享。除左現場購買，仲可以喺網站預訂、付款。
除左原個蛋糕，仲供應多款petit cake、巴伐利亞，今日我黎正正係為左迷你戚風，當日現場都見到有超過10款，好似有和茶三色、伯爵茶、檸檬蜂蜜、朱古力等，定價$54-65。款款都想試，花多眼亂，最終揀左6款唔同口味。
蛋糕強調無添加防腐劑、香精，而且大部份選用食材由日本直送，例如高知縣柚子、北海道忌廉、麵粉等。蛋糕即日食，味道同口感最好，食落鬆軟綿密、唔乾，而且有彈性，雖然細細件，但都有飽腹感隔夜嘅話蛋糕體會乾身少少，但都不至於粗糙。
雙重朱古力 $546件當中雙重朱古力最得我心，相信螞蟻人都唔會抗拒面頭嘅榛果朱古力脆脆加上戚風通心中嘅大量朱古力忌廉，做出多重口感，朱古力味濃郁，怕甜勿挑戰。
宇治抹茶椰香 $60抹茶味足夠，不至於回甘，勝在唔係太甜。忌廉食落有椰絲感覺，上面有一小球白朱古力，呢件隔左夜都唔算乾
日本完熟蜜瓜 $60果味大多討好，而且點能夠錯過期間限定呢，賣相吸引面頭嘅瓜肉香甜多汁，蜜瓜忌廉唔會好膩，尚算輕盈，蛋糕入口濕潤順滑，個人認為較日本白桃好食。
香芒熱情果 $60造型細緻，芒果肉十分甜，忌廉混合熱情果，酸酸甜甜，屬於比較清新嘅口味。
日本白桃 $60面頭同樣鋪滿桃肉，不過味道唔係太自然，偏甜一點，蛋糕體嘅味道亦較淡，唔係我杯茶
意式香草奶凍 $54呢款蛋糕望落幾有趣，所以都揀左佢。面頭以藍莓包圍小小嘅奶凍，蛋糕食落有明顯嘅雲呢拿香氣，唔算好甜。奶凍亦加入不少香草籽，不過記得盡快食用，否則奶凍會有點「溶化」嘅感覺，而且藍莓有點酸。
整體黎講，La Famille出品各款口味名符其實，蛋糕鬆綿，即日食用係肯定滿意的，日本忌廉唔會有任何廉價感覺，無論係原個戚風定小戚風，相機食先都滿分，會一直回購
张贴
