選擇左特選二人鐵板燒套餐，‼️而家仲做緊電話預訂有9️⃣折優惠‼️
前菜有野菜沙律同南瓜蟹肉蓉，後者仲有濃郁洋蔥味。
湯品三選一，我揀左松露蘑菇湯，好香好滑！松露味好夠但唔會太搶，平衡得唔錯。
✨鱈場蟹
先品嚐原味，味道鮮甜，肉質實淨；另一食法係係蟹肉上塗上蟹膏，當中仲加入牛油，令整件事更香口，好邪惡😆
✨甘鯛魚配忌廉豬骨汁
以油浸泡魚表皮位置，令薄薄一層魚鱗炸至豎起，非常脆身，魚肉則非常嫩滑。配上忌廉豬骨汁，好creamy。
✨鵝肝漢堡
以荷葉包包住鵝肝。鵝肝非常甘香，加上黑醋減輕油膩感。荷葉包底煎先至金黃香脆，整體味道不錯。
✨日本A4伊滕和牛厚燒/肉眼薄燒配梅漬蕃茄
脂肪細膩均勻，口燒牛咬落滿滿肉汁，幾乎入口即溶；肉眼薄燒一樣香口，裡面包住牛蒡，幾特別。可以選擇蘸上芥末，旁邊嘅梅積蕃茄可減低油膩感。
✨櫻花蝦高菜漬炒飯
櫻花蝦及高菜令整體顏色鮮艷。以沙律醬取代油去炒飯，飯粒香口分明之餘亦減少整體油膩感。上面仲加上一隻完美太陽蛋☺️
最後再有炒野菜同甜品。
甜品我揀咗自家製奶凍好香滑，而且唔會太甜，喜歡！仲有焦糖脆多士，勁邪惡☺️
