綠茶餐廳 (奧海城二期)

营业中

休息中

第一次來到綠茶餐廳，之前經過其他分店，見到餐廳門口會有人彈奏中樂，好有特色。是晚適逢去了奧海城附近，就一於搵食搵到去大角咀。先來一個開胃的涼麵： 三色雞絲涼麵（$48）賣相好得，價錢合理，味道帶點酸辣，好開胃的。再加一個土豆芝士塔（$22）： 感覺似葡撻的鹹味版本，細細地一個可以過下口癮。香鍋花菜（$68）：平常港式餐廳比較少見的煮法，好惹味的炒椰菜花，送飯一流！龍井烤雞（$138）：店家先比我地影相，然後幫我地剪開雞件。好香茶薰味，入口就肉嫩多汁，推介必點。雞汁黃魚（$158）：黃魚非常嫩滑，特意揀了不辣版本食個原汁原味，但其實都仲有好多口味，下次再食！