燒汁釀茄子，份量十足，茄子非常之大隻，配上大大件魚肉，淨係賣相都好吸引，較過嘅燒汁甜甜地，而且冇炸嘅咁油膩，因為係燒嘅仲保持到好多水份，原本好想試埋個釀尖椒，但係食唔落咁多
鮮蝦脆皮腸，呢個脆皮腸係做到好脆身，但係佢嘅腸粉係好軟滑，個口感係好有層次，第一口係軟綿綿嘅腸粉再食落去，係脆卜卜嘅皮，再包住咗一浸嘅鮮蝦，口感豐富
奶黃豬仔包係我次次都點啊，因為個賣相真係好得意，啱晒小朋友嘅我，次次都會篤穿佢個鼻，流沙係好香滑，又甜又軟綿綿，影相都好靚
椒鹽魷魚鬚，個粉漿太厚，魷魚好細條，食落去好油膩，
雖然呢一間店位置唔太起眼，係一個舊區入邊，但係都充滿着舊香港情懷，驟眼睇都好多遊客過嚟食，希望佢嘅服務生態度可以有所改善，繼續屹立喺佐敦嘅一個舊區做地標
