Burgerman (埃華街)

营业中

休息中

聽朋友講大角咀一帶有不少特式小食店，趁著周末，一於去覓食下。穿過舊城新區，無意中發現一間裝修幾特別的漢堡店，紅磚牆、霓虹燈，頗有美國街頭風！餐廳有14款漢堡比你選擇，素食的朋友仔可以試下牛油果大菇漢堡。身為食肉獸既我地就order左以下兩個套餐：鵝肝和牛漢堡 ($155)配薯條、維他檸檬茶 加💰27香煎草飼和牛配鵝肝，以獨特煎法再加上雙層芝士，最後再落埋黑醋醬、生菜同蕃茄！外層的麵包整得幾好幾鬆化，帶點牛油和芝麻香味。和牛好juicy，咬第一啖滿滿的肉汁；而鵝肝表層帶少少脆的口感，內裡幼滑，油脂豐富。本身以為會好油膩，但食落完全吾覺，因為廚師用上黑醋醬汁搭配，正好中和了它的膩，有心思！黃金海堡 ($103)配薯格、椰青水 加💰27好獨特，食落有驚喜的漢堡！咦款餐廳自家制的墨魚蝦堡，係第二度一定食唔到。第一下咬落去，感覺好厚實，新鮮熱辣。黑魚蝦堡外層金黃酥脆，內裡彈牙可口，配上靈魂醬汁「芥末蛋黃醬」，清新開胃，無瑕可擊！十分推介！漢堡可以單點或加錢配套餐，薯條和薯格都係即叫即炸，脆卜卜。另外，每張檯都有手套和醬汁提供，放心大大啖食既同時，又吾驚整到隻手好污糟。