樂天經典

营业中

休息中

今日去康城行街，商場都幾大又多野食，行完街梗係食埋晚飯先返屋企，行過見呢間~樂天經典~，好多人食同等位，一於我地都等埋一份。等左一陣就有位，叫碟黃金魚皮咬下先，魚皮脆卜卜，咸蛋咸香味濃。見到有我最鐘意食既蟹🦀🦀，都忍唔住叫。星洲黑胡椒蟹上枱既時候，黑胡椒味超香濃，蟹肉都新鮮肥美，食得超滋味。星馬菜又點少得海南雞🐔飯，雞肉嫩滑，三款醬汁各有特色，其實唔點都夠好味。套餐個湯冬瓜湯好好飯好清甜。見有用蝦🦐材料既主食，有粉麵飯，今次試下個大蝦河粉。特製蝦湯係用左6個鐘慢火熬煮，蝦味香濃，撈落河粉，好夾。大蝦新鮮彈牙。幾款野食都好啱我胃，有機會再黎食。